(轉載) 囧訊之萬幾蚊Adwords計劃搵笨手法知多啲
(原文出自互聯網營銷人才學院 Facebook)
囧訊之萬幾蚊 Adwords 計劃搵笨手法知多啲
網上推廣界中，至少有兩間同業，你中有我，我中有你，用搵客笨既手法營商，警訊都未黎得切報導。一般做法係先收取客戶一年費用，然後同客戶落一兩個關鍵字做 Adwords Campaign，例如，如果客戶係做健身教練，佢地就咁買「健身」呢個關鍵字，一年萬幾蚊佢地就 upfront 收哂。
首先，你搵健身教練，會唔會就咁 search 「健身」?
另外，Adwords 係點擊先收費，如果一年先得十個 click，每個 click 5 蚊，Adwords 只係收左 50 蚊，客戶俾左果萬幾蚊，去左邊？你話呢？
可能你會話，咁佢呃個客一年，個客下年都唔會續啦。仲下年？佢地而家同你簽單收錢，Sales 拆左佣，佢下個鐘就桶第二個客架啦。佢地係職業跑街架嘛，唔係大家邊會收咁多 cold call 電話、email 甚至上門 visit？
咁 Google 會容忍呢種行為？豈只容忍，佢地大家一齊搵食添㕸，唔係咁樣跑數，Google Premium Partner 呢個 title 咁易囉既咩？
話說回來，其實人地已講得好明白，一個話明我至係媒體，另一個直頭叫你自己搵。你地咁都 get 唔到，人地唔鋸你，鋸邊個？